Афарин, бикештәр!

Махсус хәрби операцияның шауҡымы һәр районға, һәр ауылға килеп ҡағылды: күп кенә ир-егеттәр ил мәнфәғәтен яҡлау өсөн хеҙмәткә алынды. Был хәл бер кемде лә битараф ҡалдырманы... Бикеш ауылы ҡатын-ҡыҙҙары, атап әйткәндә, Ләлә апай Айытҡолова, Гөлсинә апай Айытҡолова һм Гүзәл апай Алтынбаева  иң тәүгеләрҙән булып гуманитар ярҙам йыйыуға ҡушылды.  Яңы йылға тиклем үк улар йылы ойоҡбаштар бәйләп, хәрбиҙәргә ебәргәйнеләр инде. Ошо көндәрҙә улар йәнә 50 (!) ойоҡбаш бәйләгән. Уларҙың күҙ нурҙары һеңгән йөн носкиҙар хәрби-ялан шарттарында йөрөгән ир-егеттәрҙең аяҡтарын ғына түгел, күңелдәрен дә йылытыр! Гөрләтеп донъя көткән, бар яҡлап та уңған был апайҙарға “афарин!”дан башҡа һүҙ юҡ!

Афарин, бикештәр!