Бикбулаттар спорт ярата

Яңы йылды бикбулаттар яңыса башлап ебәрҙе: күмәкләп саф һауала скандинавса йөрөүгә сыҡты. - Миҙгелдең саф һауалы, буранлы, матур ҡышҡы көнөндә скандинавса йөрөүгә сыҡтыҡ. Йәшлекте, хатта ғүмерҙе оҙайтыусы, яҡшы кәйеф бүләк итеүсе спорт төрө ул. Скандинавса йөрөү – иң еңел һәм шул уҡ ваҡытта, иң файҙалы шөғөлдәрҙең береһе. Таяҡтарға таянып атлағанда кешенең 90 процент мускулдары хәрәкәткә килә. Ауылдаштарыбыҙ һеҙҙе лә әүҙем ҡатнашырға саҡыра, - тиҙәр улар. Ҡушылабыҙмы сәләмәтлеккә? Әлбиттә!