+28 °С
Болотло
ЙӘМҒИӘТ
29 Декабрь 2022, 10:27
Яңы йылға – шәп бүләк
Килешәһегеҙҙер, барыбер ҙә Яңы йылдан һәр беребеҙ ниндәйҙер тылсым, мөғжизә көтә. Һеҙҙең яратҡан баҫмаларығыҙ – “Мораҙым” һәм “Кугарчинские вести” гәзиттәре лә һәр йыл һайын бөтәбеҙҙең дә яратҡан байрамы – Яңы йыл алдынан “районка”ға яҙылыусылар араһында шәп бүләктәр уйната, шуның менән әүҙем гәзит уҡыусыларҙы ҡыуандырырға ашыға. 26 декабрҙә “Мораҙым” һәм “Кугарчинские вести” гәзиттәренә 2023 йылдың тәүге ярты йыллығына яҙылыусылар араһында бүләктәр уйнатылды. Был юлы бүләк отошҡа 1000-гә яҡын квитанция килде.
Яңы йылға – шәп бүләк
Бына, ниһайәт, күптәр түҙемһеҙләнеп көтөп алған ваҡыт етте. Һүҙҙе оҙон-оҙаҡҡа һуҙмай ғына, еңеүселәрҙең исемдәрен атайбыҙ: шулай итеп, “Мораҙым” гәзитенә яҙылыусылар араһында өҫтәл лампаһын Дауыт-Ҡайыптан Әмир Харрасов, блендерҙы Бикестән Ирек Йомағужин, сәйнүкте Бикбулаттан Зөмәрә Иҫәнғолова, үтекте Йомағужанан Әсмә Ибраһимова, сәй сервизын Мусанан Ҡәмәриә Сафина, мультибешергесте Санъяптан Әлфиә Сәлихова отто. Яңы йылдың төп бүләге - бер мискә БАЛ Үрге Һаҙ ауылынан Мөнирә Ишбирҙинаға насип булды. Еңеүселәрҙе ҡотлайбыҙ һәм һәр саҡ беҙҙең менән булғандары өсөн оло рәхмәт һүҙҙәрен әйтәбеҙ.
