+28 °С
Болотло
ЙӘМҒИӘТ
7 Декабрь 2022, 09:15
Көнүҙәк мәсьәләләр хәл ителә
Түбәнге Бикҡужа ауыл биләмәһе лә йыл һайын “Урындағы башланғыстарға булышлыҡ итеү” программаһында ҡатнаша. Уҙған аҙнала унда “Урындағы башланғыстарға булышлыҡ итеү” программаһын тормошҡа ашырыу мәсьәләләре буйынса дөйөм йыйылыш уҙған. Сарала тыуған еренең бөгөнгөһөнә, киләсәгенә битараф булмағандар ҡатнашҡан.
Көнүҙәк мәсьәләләр хәл ителә
- Быйыл бикҡужалар был программа ярҙамында ауыл клубына ремонт эшләргә, ингән ишекте алмаштырырға, тыштан стеналарын көпләргә тигән тәҡдим яһаны.
Был мәсьәлә бик урынлы күтәрелде, сөнки мәҙәниәт усағы – халыҡты туплап торған, берләштергән урын, ул йылы, яҡты, таҙа, уңайлы булырға тейеш. Йыйылыштар, балалар өсөн дә, ололар өсөн дә төрлө мәҙәни саралар шунда уҙғарыла. Бай китап фондына эйә китапханабыҙ ҙа клуб бинаһында урын алған.
Программала еңеп сығырбыҙ һәм проектты уңышлы тормошҡа ашырырбыҙ, тип ышанам, - ти Бикҡужа ауыл биләмәһе хакимиәте башлығы Ләйсән Сөләймәнова.
Гөлназ СӘЙЕТБАТТАЛОВА.
