+28 °С
Болотло
ЙӘМҒИӘТ
8 Октябрь 2022, 12:35
Гөрләп үтте йәрминкә!
Көҙ байлығын үҙенә туплаған йәрминкәләрҙе район халҡы йыл һайын көтөп ала. Бөгөн район үҙәгендә йәнә йәрминкә ойошторолдо. Ул Республика көнөнә арналды һәм егәрле хужа-хужабикәләрҙе, фермерҙарҙы, төрлө хужалыҡ вәкилдәрен бер сауҙа майҙанына тупланы. Өҫтән ваҡыт-ваҡыт ямғыр яуып алыуына ҡарамаҫтан, һатып алыусылар күп булды, ни тиһәң дә бындай саралар тиҙ иҫкермәүсе аҙыҡ-түлекте, мал аҙығын ҡыш буйына етерлек итеп туплап ҡалыу өсөн ифрат та ҡулай, сөнки уңыштың мул сағында хаҡтар ҙа байтаҡҡа түбәнерәк була.
Гөрләп үтте йәрминкә!
Йәрминкәлә, дөрөҫөн әйткәндә, “ҡош һөтө” генә булмаһа булмағандыр. Хаҡтар ҙа, өҫтә әйтеп үтеүебеҙсә, “тешләшмәне”. Күптәр, етмәһә, һатҡан әйберҙәренең күрһәтелгән хаҡтарын бер аҙға булһа ла төшөрөргә ҡаршы түгел ине.
Хужалыҡтар халыҡҡа иген, һыйыр, йылҡы, сусҡа, ҡош-ҡорт ите, балыҡ тәҡдим итте. Емеш-еләк, бал, көнбағыш майын һ.б. яратып алдылар.
Автор - Гөлназ Сәйетбатталова.
Наилә Кушнерова фотолары.
