"Ил- йортҡа - именлек" рухиәт эстафетаһы дауам итә

Түкәттәге саранан һуң ағинәйҙәр Исем ауылына юлланды. Мәҡсүттәр башлап ебәргән үҙенсәлекле милли-мәҙәни, илһөйәрлек эстафетаһын исемдәр ҡабул итеп алғайны. Сараға Сирбай, Үрге Мөрсәләй ауылы ағинәйҙәре лә саҡырылды. Сылбыр осо уларға тапшырылды.  Был рухиәт эстафетаһының маҡсаты әһәмиәтле: ағинәйҙәр алдында берләшеп ил-йорт именлеге, тыныслыҡ өсөн доғалар бағышлап, халҡыбыҙҙа, айырыуса үҫеп килгән быуынға рухи тәрбиә биреү, уларҙа илһөйәрлек, телһөйәрлек кеүек иң мөһим тойғоларҙы үҫтереү, башҡорт фольклорын, ауыҙ-тел ижадын, милли мәҙәниәтте, бай тарихыбыҙҙы тергеҙеү, балаларға еткереү бурысы тора. Тулы мәҡәлә район гәзитендә баҫылыр.