Алдағы өс көндә Башҡортостанда эҫе һауа торошо һаҡлана, тип хәбәр итте республика синоптиктары.
Башгидромет мәғлүмәттәре буйынса, бөгөн аяҙлы-болотло һауа торошо көтөлә. Көндөҙ айырым райондарҙа бер аҙ ямғыр яуа. Ел төньяҡ-көнсығыштан, көнсығыштан секундына 2-7 метр, йәшен ваҡытында көсәйеүсән. Һауа температураһы көндөҙ +28, +33 градус.
Шишәмбе урыны менән йәнә бер аҙ ямғыр яуыуы көтөлә. Ел көнсығыштан, төньяҡ-көнсығыштан, талғын, көндөҙ киҫкен. Һауа температураһы төндә +13, +18 градус, Башҡортостандың көнсығышында +8. Көндөҙ иһә +28, +33 градус.
Шаршамбы һауа торошо үҙгәрмәй. Урыны менән бер аҙ ямғыр. Ел көнсығыштан, төньяҡ-көнсығыштан, талғын, көндөҙ киҫкен. Һауа температураһы төндә +13, +18 градус, көнсығышта +8-гә. Көндөҙ+28, +33 градус була.