Йомаҡ - зиһен асҡысы

Бөгөн, баҡтиһәң, йомаҡ ҡойоу көнө икән. Мәҙәниәт һәм рухи мираҫ йылында был ябай ғына көн дә үҙенә күрә әһәмиәтле. Бала саҡтан өләсәй-ҡәртәсәйҙәрҙең ҡыҙыҡлы йомаҡтарын тыңлап үҫкән быуын бит ул беҙ. Хәҙер иһә балаларға ҡоябыҙ йомаҡ. Шулай ҙа элекке, боронғо йомаҡтар онотолоп барғандай. Әйҙәгеҙ әле, ошо көн уңайынан ҡәртәсәйҙәр йомағын иҫкә төшөрәйек.  1. Өйөм урата - ҡыл арҡан. 2. Мейес башында - тархан туйы. 3. Һаҡмарҙағы һары айғырым Урал аша кешнәйҙер. 4. Аллы-гөллө көйәнтәмде ситән аша ташланым. 5. Оҙон бабай һуҙылып ятҡан, балалары теҙелеп ятҡан. 6. Өй башында - йәшел ҡаҙ, йәшел ҡаҙҙың башы таҙ. 7. Ары ла йүгерә Зәпзәки,    Бире лә йүгерә Зәпзәки,   Тамаҡ ҡыра Зәпзәки,    Һаҡал һелкә Зәпзәки.