Эшегеҙ үтә кәрәкле һәм мөһим!

Бөгөн почта элемтәһе хеҙмәткәрҙәре үҙҙәренең һөнәри байрамдарын билдәләй. Уларҙы ошо айҡанлы ихлас ҡотлайбыҙ! Почта хеҙмәткәрҙәрен ваҡытлы матбуғат менән халыҡ араһын бәйләп тороусы еп тип әйтеп була. “Мораҙым” һәм “Кугарчинские вести” гәзиттәренә яҙылыусылар һанын арттырыуға ҙур өлөш индергәндәрҙең һәр береһенә оло рәхмәт һүҙҙәрен еткерәбеҙ! Хат, гәзит-журнал ташыуҙан тыш, уларҙың иңенә бөгөн бихисап бурыстар өйөлгән: халыҡты көндәлек кәрәк-яраҡ тауарҙар менән тәьмин итәләр, төрлө түләүҙәрҙе ҡабул итәләр һ.б. Үтә лә кәрәкле, мөһим эшегеҙҙә уңыштар юлдаш булһын, халыҡты тик яҡшы хәбәрҙәр менән ҡыуандырып тороғоҙ!

Эшегеҙ үтә кәрәкле һәм мөһим!