+28 °С
Болотло
ЙӘМҒИӘТ
21 Июнь 2022, 07:43
Яҡташыбыҙ Рәхимә Вәлиуллинаға - 75 йәш!
Татарстан башҡорттары ҡоролтайының иң әүҙем ағзаһы, алты тапҡыр Бөтә донъя башҡорттары ҡоролтайы делегаты, рухлы ла, илһөйәр ҙә яҡташыбыҙ, Бикбулат ауылы ҡыҙы Рәхимә Вәлиуллина бөгөн 75 йәшлек юбилейын билдәләй икән! Рәхимә апай яҙмыш ҡушыуы буйынса республикабыҙҙан ситтә төпләнһә лә, бер ҡасан да тыуған яҡтарын онотмай, һәр яҡлап ярҙам итергә, һәр яҡлап терәк-таяныс булырға тырыша. Тәпәй баҫҡан төйәгенә, уның уңған, эшһөйәр, егәрле халҡын, арҙаҡлы шәхестәрен ҙурлап бихисап шиғырҙар ижад итте, мәҡәләләр яҙҙы, китаптар баҫтырҙы.
“Ситкә нишләп сығып киттең тиеп,
Һорамағыҙ, зинһар, үтенәм!
Йәшлек хатаһынан,
Йөрәк һыҙлауынан
Әле булһа үҙем үкенәм...”
Нишләтәһең, ҡатын-ҡыҙҙың яҙмышы шулай. Үҙен “тамыр йәйә алмай ситтә һулыған гөлгә” оҡшатһа ла, ысынбарлыҡта иһә Рәхимә апай хаҡында улай әйтеү бөтөнләй мөмкин түгел.
Күренекле яҡташыбыҙ, "Мораҙым" гәзитенең әүҙем хәбәрселәренең береһе булған Рәхимә апайҙы күркәм ғүмер байрамы менән ихлас ҡотлайбыҙ!
Яҡташыбыҙ Рәхимә Вәлиуллинаға - 75 йәш!
