Рәсәй Президенты Владимир Путиндың май указдарында билдәләнгән “Экология” милли проектына ярашлы уҙғарылған “Йәшел Башҡортостан” акцияһынан Күгәрсен районы халҡы ситтә ҡалғаны юҡ. Йыл һайын район үҙәгендә һәм башҡа ауылдарҙа бихисап ағас үҫентеләре, ҡыуаҡтар ултыртыла.
Бөгөн Мораҡ ауылында йәнә “Йәшел Башҡортостан” акцияһы уҙҙы. Уның барышында төрлө ойошма, предприятиеларҙа, учреждениеларҙа эшләүселәр ағас ултыртты. Тыуған еребеҙҙе йәшелләндереү, уның “йәшел юрған”ын һаҡлау – һәр кемдең изге бурысы.