+28 °С
Облачно
ЙӘМҒИӘТ
5 Марта 2022, 10:25
"Автоледи - 2022" еңеүселәре билдәләнде
Бөгөн Мораҡ ауылында автоһәүәҫкәр ҡатын-ҡыҙҙар араһында “Автоледи - 2022” район конкурсы уҙғарылды. Районда тәүге тапҡыр ғына ойошторолған сарала 7 гүзәл зат ҡатнашты. Ярыш бер нисә этаптан торҙо. Уның тәүгеһенә конкурсанттар алдан уҡ әҙерләнгән: кемдер машинаһын үҙе бәйләгән сәскәләр менән биҙәһә, икенселәр шарҙар, таҫмалар менән матурлаған. Улар үҙҙәре менән таныштырҙы һәм машина йөрөтөү тарихы хаҡында һөйләне. Артабан автоһәүәҫкәрҙәр ДОСААФ-та теоретик белемдәрен күрһәтте, автодромда практик һынау үтте. Иң оҫта машина йөрөтөүсе исеменә кем лайыҡ булған тип уйлайһығыҙ? Был хаҡта – сайтта.
"Автоледи - 2022" еңеүселәре билдәләнде
Шулай итеп, Кристина Байгилдина барлыҡ һынауҙарҙы ла уңышлы үтеп, 1-се урынға лайыҡ булды. Уға 5 мең һумлыҡ сертификат тапшырылды. Эльвира Ахунова 2-се (3 мең һумлыҡ сертификат) , Эльза Ғайнанова 3-сө урын (2 мең һумлыҡ сертификат) алды. Гөлсирен Йосопова “Авто позитив”, машина йөрөтөү буйынса 20 йыллыҡ стажға эйә Клара Рауилова “Авто интеллект”, Илүзә Аралбаева “Леди виртуоз”, Айгөл Мәхмүтова “Авто очарование” исеме бирелде.
