+28 °С
Болотло
ЙӘМҒИӘТ
2 Март 2022, 15:13
Тантаналар
Кисә Өфөлә “Торатау” конгресс-холында “Ҡатын-ҡыҙ – милләт әсәһе -2022” Бөтә Рәсәй конкурсының йомғаҡлау сараһы булды. Яҙҙың тәүге көндәрендә, Халыҡ-ара ҡатын-ҡыҙҙар көнө алдынан ойошторолған был сара беҙҙең өсөн ҙур байрам булды. Бәйгелә быйыл Татарстан, Ханты-Манси автономиялы округы, Мәскәү, Санкт-Петербург ҡалалары, Силәбе, Ырымбур өлкәләренән, Пермь крайынан һәм, әлбиттә, Башҡортостандан 500-ҙән ашыу гүзәл зат ҡатнашты, шуларҙың 150-һе финалға үтте. Шуларҙың 30-ҙан ашыуы 10 номинацияла еңеүсе итеп билдәләнде, 15 бәйгесе Рабиға Ҡушаева исемендәге “Әсәлек даны” миҙалына лайыҡ булды. Әйткәндәй, был конкурста матбуғат хеҙмәткәрҙәренең дә булыуы һөйөндөрҙө. Мәҫәлән, “Ҡатын-ҡыҙ – мәҙәниәттә” номинацияһында “Мораҙым” гәзите хәбәрсеһе, “Оло Эйек буйында” әҙәби берекмәһенең башҡорт әҙәбиәте бүлеге етәксеһе Айгөл Айытҡолова; “Ҡатын-ҡыҙ - йыл өлгөһө” номинацияһында Асҡын район-ара гәзите мөхәррире Нәйлә Имаева менән “Дүртөйлө-ТВ” мөхәррире Гүзәл Харисова еңеү яуланы.
Тантаналар
2014 йылдан бирле үткәрелеп килгән был мәртәбәле проекттың авторы һәм етәксеһе -Башҡортостандың Башҡорт ҡатын-ҡыҙҙары йәмғиәте рәйесе, Дәүләт Йыйылышы — Ҡоролтай депутаты, филология фәндәре докторы Гөлнур Ҡолһарина.
Еңеүселәрҙе Башҡортостан Башлығы Радий Хәбиров исеменән Хөкүмәт Премьер-министры урынбаҫары Ирек Сәғитов ҡотланы.
Радий Фәрит улының ҡотлау сәләмендә былай тиелә:
“Ерҙә иң юғары тәғәйенләнеш – әсә булыу. Ҡатын-ҡыҙ ғаилә усағын һаҡлай. Дини башланғыстарҙы, туған телде, халыҡ традицияларын һаҡлауҙа, быуындар бәйләнешен нығытыуҙа уларҙың өлөшө баһалап бөткөһөҙ ҙур. “Ҡатын-ҡыҙ – милләт әсәһе” конкурсы Рәсәйҙең төрлө төбәктәренән иң сағыу, иң әүҙем йәмәғәтселәрҙе берләштереп, ил тормошонда мөһим ваҡиғаға әүерелә. Беҙҙең ҡатын-ҡыҙҙар һайлаған һөнәрҙәрендә юғары үрҙәргә өлгәшә”.
Тантаналар
