Мартҡа айына бәйле һынамыштар

*Март башында сәпсек эсерлек һыу булһа, йыл яҡшы була.

*Март башында тамсы тамһа, йәй яҡшы килә.

*Оҙон боҙбармаҡтар – яҙҙың оҙаҡҡа һуҙылыуына.

*Ҡоштар йылы яҡтан көтөү-көтөү булып килһә – берҙәм яҙға.

*Ҡыр ҡаҙҙары бейектән осһа, һыу күп, түбәндән осһа – аҙ була.

*Торналар иртә килһә, яҙ иртә килә.

*Бал ҡорттары иртә оса башлаһа – һәйбәт яҙға.

*Мартта шарт та шорт, апрелдә апырыр ҙа шапырыр.

*Беренсе мартта ел иҫеп торһа, бөтөн йәй елле булыр.
*Әгәр беренсе мартта йылы булып, тамсылар тамып торһа, ҡар тиҙ ирер, йәй ҙә яҡшы килер.

*Март сыҡмай – дәрт сыҡмай.
*Мартта йылы булһа, йыл һалҡын була.
*Яҙ иртә килһә, ашлыҡ уңыр.

*Беренсе мартҡа тиклем ҡара ҡарға күренһә, ҡар тиҙ китер.

*Егерме бишенсе мартта ямғыр яуһа, арыш уңыр.

*Мартта ҡар яуһа, баҡса емештәре уңыр.