Википедиясылар форумы үтте

19 февралдә онлайн форматта википедиясыларҙың дүртенсе форумы үтте. Уҡытыусыларҙы һәм уҡыусыларҙы "ВИКИмедиа" халыҡ-ара ирекмәндәр хәрәкәтенә йәлеп итеүҙе маҡсат итеп алған был сарала Тәүәкән мәктәбенең башҡорт теле һәм әҙәбиәте уҡытыусыһы Гөлназ Сәлихова ла ҡатнашты.  "Википедия мәғлүмәтен һәр кем бушлай ҡуллана һәм тарата ала. Шуның өсөн дә мин уны үҙемдең эшемдә рәхәтләнеп ҡулланам. Сөнки бөтә мәғлүмәт бик ентекле тикшерелеп, төрлө һылтанмаларға таянып ҡуйыла", - ти Гөлназ Салауат ҡыҙы.