Бөтә яңылыҡтар
ЙӘМҒИӘТ
14 Ғинуар , 14:11

Ил күрке - мөхәббәтле ғаилә

Сәлих ауылының уңған, абруйлы ғаиләләренең береһе - Люциә апай менән Фәнил ағай Рәхимовтар. Бынан 35 йылдан ашыу ваҡыт элек араларында мөхәббәт уты тоҡанып, сәстәрен-сәскә бәйләгән егет менән ҡыҙ бөгөнгө көндә йәштәргә өлгө булырлыҡ татыу ғаилә ҡороуҙары менән һоҡландыра.  Өс балаға ғүмер һәм тәрбиә биреп, уҡытып, үҙ аллы тормош юлына ныҡлы әҙерләп аяҡ баҫтырғандар улар.  Ҡыҙҙары Филүзә менән Юлиә юғары белемле белгестәр, улдары Салауат 2019 йылда ил алдында бурысын үтәп, әрме хеҙмәтен лайыҡлы үтеп, һөнәре буйынса уңышлы эшләп йөрөй. Люциә Әхтәм ҡыҙы ауыл клубы мөдире булып эшләй. Бөтә мәҙәни сараларҙы ойоштороуҙа, үткәреүҙә ауыл халҡына оло ярҙам күрһәтә. Аш-һыуға ла, ҡул эштәренә лә маһир, оҫта итеп килешле күлдәктәр ҙә тегә, ҡорамалар ҙа эшләй. Туйҙарға, байрамдарға төрлө эслектәр менән тәмле бәлештәр, баллы сәк-сәк, бауырһаҡтар бешереп, ауыл халҡын ҡыуандыра.   

Ил күрке - мөхәббәтле ғаилә

"Ҡунаҡ саҡырһа, өҫтәле һәр төрлө һый-ниғмәттән һығылып тора, халҡыбыҙҙың милли ризыҡтары бер ҡасан да табыныбыҙҙан өҙөлмәй", - тиҙәр ҡыҙҙары әсәләре тураһында. 

Ил күрке - мөхәббәтле ғаилә
Автор:Айгөл Айытҡолова