Бөтә яңылыҡтар
ЙӘМҒИӘТ
13 Ғинуар , 16:02

Ауылыбыҙ тотҡаһы - улар

тиҙәр Аралбай ауылында йәшәүсе Нурия Закир ҡыҙы менән Рәмил Тимерғәле улы Янбаевтар тураһында ауылдаштары. Улар тырышып Воскресенка почта бүлексәһенән өс ауылға (Дәүләтша, Леоновка, Аралбай) матбуғат баҫмалары, хат ташыйҙар.Тормошобоҙҙа интернет киң үҫешеп, бөтә мәғлүмәтте компьютер, телефон аша белеп торһаҡ та, гәзит-журналдарһыҙ күңел ҡәнәғәтлек кисермәй.Үҙенсәлекле еҫе сығып торған гәзитте ҡулыңа тотоп, ҡабат-ҡабат биттәрен аҡтарып уҡыуға ни етә!?  "Ҡыҙғанысҡа күрә, кеше йылдан-йыл гәзит-журналдарҙы әҙ яҙҙыра.Сәбәбе шул интернет һәм аҡсаһыҙлыҡтыр инде, - тип үҙ фекере менән бүлеште Нурия Закир ҡыҙы. - Шулай ҙа гәзит-журналдарҙы даими алдырыусылар бар, беҙ улар өсөн йүгереп йөрөп эшләйбеҙ.

Ауылыбыҙ тотҡаһы - улар

 Йәйге эҫеләрҙә лә, ҡыштың сатлама һыуыҡ, буранлы көндәрендә лә почтальоныбыҙ 12 км алыҫлыҡта ятҡан Воскресенка ауылынан барып алып, баҫмаларҙы халыҡҡа тарата. Уның араһында электр, газ өсөн олораҡ инәй-бабайҙарға түләшергә ярҙам итә, көнкүрештә кәрәкле әйберҙәрен дә һата.

 Тормош иптәше Рәмил Тимерғәле улы – ауылдың старостаһы,  Нурияның уң ҡулы, ҡатынын машина менән эшенә йөрөтә.
 Бер эш тә еңел түгел, шуға ҡарамаҫтан бар күңелен биреп, дәртләнеп, янып-ярһып эшләп йөрөгән Янбаевтарға һаулыҡ, ғаилә именлеге, бәхет теләге килә. Эш урыны кешене биҙәмәй, киреһенсә, кеше эш урынын биҙәй, тигән мәҡәл нәҡ улар тураһында әйтелгән кеүек.

Автор:Розалия Искужина