Бөтә яңылыҡтар
ЙӘМҒИӘТ
10 Ғинуар , 16:11

БЫҘАУ кемдә?

Күптәр – балалар ғына түгел, өлкәндәр ҙә Яңы йылдан мөғжизә көтә. Күгәрсен мәғлүмәт үҙәге йыл да матур йола буйынса гәзит уҡыусылар араһында иң яратҡан байрам – Яңы йыл алдынан шәп бүләктәр уйната, шуның менән әүҙем гәзит уҡыусыларҙы дәртләндерергә, бүләктәр тапшырып, ҡыуандырырға ашыға. Декабрь аҙаҡтарында “Мораҙым” һәм “Кугарчинские вести” гәзиттәренә 2022 йылдың тәүге ярты йыллығына яҙылыусылар араһында Яңы йыл бүләктәре уйнатылды. Был юлы бүләк отошҡа  1000-гә яҡын (!) квитанция  килде.

БЫҘАУ кемдә?

Һүҙҙе оҙон-оҙаҡҡа һуҙмай ғына еңеүселәрҙең исемдәрен атайбыҙ: шулай итеп, “Мораҙым” гәзитен алдырыусылар араһында яңы йылдың символы – юлбарыҫ уйынсығын Тәүәкәндән Флүрә Шәһәрова, стакандар йыйылмаһын Сәйетҡолдан Хәмдиә Байгилдина, табаны Бикбулаттан Зәбир Тимербаев отто. Фен Теләүембәттән  Рәил Ғөбәйҙуллинға, миксер Мораҡтан Гөләмзә Сафинаға, электр сәйгүне  Бикестән Зилә Ҡотлогилдинаға, үтек Ҡасҡындан Мөхәмәтйән Байғусҡаровҡа, блендер йыйылмаһы Сәлихтан Сәлимйән Ғәибйәновҡа сыҡты. Яңы йылдың төп бүләге – БЫҘАУ Үрге Һаҙ ауылынан Сәйҙә Насиповаға насип булды. Ошондай уҡ бүләктәр “Кугарчинские вести” гәзитенә яҙылыусылар араһында уйнатылды, төп бүләк – быҙау Серп и Молот утарынан Анатолий Мишинға сыҡты. Ҡотлайбыҙ! Һеҙҙе редакцияла – Мораҡ ауылы, Ленин урамы, 49 көтөп ҡалабыҙ (үҙең менән паспорт, ИНН, страховка таныҡлығын алырға).

Автор:Розалия Искужина