+28 °С
Болотло
ЙӘМҒИӘТ
8 Декабрь 2021, 06:50
Ҡотлайбыҙ!
Күренекле журналист, яҙыусы, шағирә һәм драматург Сәрүәр Рәшит ҡыҙы 1957 йылдың 8 декабрендә Үрге Һаҙ ауылында донъяға килә. Бала саҡтан илһөйәрлеге, телһөйәрлеге менән айырылып торған көслө рухлы ҡыҙ 1975 йылда Өфө 1-се интернат-мәктәбен (хәҙерге Рәми Ғарипов исемендәге 1-се Башҡорт республика гимназия-интернаты) тамамлай, телгә булған һөйөү тойғоһо уны Башҡорт дәүләт университетына алып килә. Филология факультетының башҡорт һәм рус бүлеген уңышлы тамамлап, хеҙмәт юлы Башҡортостан дәүләт радио һәм телевидение комитетының балалар һәм үҫмерҙәр өсөн тапшырыуҙар редакцияһында мөхәррир булып башлай.
Ҡотлайбыҙ!
Хәтерләйһегеҙҙер, элегерәк телевизорҙа "Йәйғор", "Әкиәт йомғағы", "Күңелле станциялар", "Туған яҡ биҙәктәре" һәм башҡа бик күп йөкмәткеле тапшырыуҙар күрһәтә торғайнылар. Балаларҙа халыҡ ижадына, халыҡ фольклорына, мәҙәниәтебеҙгә, телебеҙгә һөйөү менән һуғарылған рухлы тапшырыуҙарҙы нисә быуын яратып ҡараны.
Ҡотлайбыҙ!
