Ҡаҙ өмәләре башланды

Көҙ етеп, тәүге һалҡындар төшкәс тә, ауылдарҙа боронғо йолаларҙың береһе - ҡаҙ өмәләре гөрләй башлай. Тыуған-тыумаса, күршеләр менән бергәләп өмә үткәреү, ит бәлештәре, майлы һурпалар бешереп, яҡындарҙы һыйлау ғәҙәте бөтә төбәктәрҙә лә һаҡланған. 

Быйыл "Айыҡ ауыл-2021" республика конкурсында ҡатнашасаҡ Хоҙайбирҙин ауылында ла ҡаҙ күпләп ҡош-ҡорт аҫраған уңған хужалар ҡаҙ өмәләре үткәрә лә башланы. Тәүге өмә Байғазиндарҙа булған. Йәй буйы ҡарап аҫраған ҡаҙҙарҙы улар яҡындары менән бөтә йолаларын тотоп, матур итеп табын йыйып үткәреп ебәргән.