Йәшләй генә ҡауышҡандар

Ғаилә, мөхәббәт һәм тоғролоҡ көнөндә оҙаҡ йылдар бергә ғүмер иткән күркәм парҙарҙы телгә алып китмәй булмай...Йәшләй генә ҡауышҡан парҙар йәшәй-йәшәй бер бөтөнгә әйләнә, тиҙәр. Подгорный ауылында ғүмер кисергән Люциә һәм Вәхит Сәфәрғәлиндар ҙа, күрәһең, ошо йылдар эсендә бер-береһен ярты һүҙҙән, бер ҡараштан аңларға өйрәнгән - аралашҡанда тормошҡа ҡараштарының, хатта уйҙарының бер төрлө булыуы шунда уҡ күҙгә ташлана.- Йәшләй һөйгән йәрең менән тиң-тигеҙ ғүмер итеү оло бәхет. Беребеҙ ут булғанда, икенсебеҙ һыу булып, ғүмер кисерәбеҙ, - ти улар. ... Бишбүләк районының Дүсән ауылында тыуып үҫкән Люциә менән беҙҙең райондың Ҡанаҡас ауылы егете Вәхит Сәфәрғәлин студент йылдарында осрашып, ғаилә ҡора. Улар кие балаға ғүмер бирә: Миләүшә Башҡорт дәүләт университетының журналистика факультетын тамамлаған, әлеге көндә БР Мәғариф министрлығында эшләй. Улдары Хәлит иһә байтаҡ йылдар Себер тарафтарында тир түгә. Оло шатлыҡ-ҡыуаныстары булған ейәнсәрҙәре Камилла менән ейәндәре Арсен да буй етеп килә. Сәфәрғәлиндар – икеһе лә хаҡлы ялдағы уҡытыусы. Тормоштоң һәр көнөнән йәм табып йәшәйҙәр.