Файҙалы кәңәштәр

* сосисканы парҙа бешерһәң йәки еңелсә ҡыҙҙырһаң, күпкә тәмлерәк була;* бер аҙ һулый төшкән йәшел һуған, укроп-петрушканы һеркә өҫтәлгән һыуыҡ һыуға тығып торорға кәрәк;* бешкәс төҫө матур булһын өсөн тауыҡты бешерер алдынан ҡуйы ҡаймаҡ менән буярға мөмкин;* икмәк һауытына сей картуф киҫәге һалғанда, икмәк оҙаҡ тутламаясаҡ;* яңы бешкән икмәкте йоҡа итеп телер алдынан бысаҡты эҫе һыуға тығып торорға кәрәк;* аш-һыу бүлмәһендәге еҫте бөтөрөү өсөн бешергән ваҡытта газ конфоркаһына бер аҙ тоҙ һибәләр;* витаминдарын бөтөрмәү өсөн аҙыҡты бешергәндә ағас ҡалаҡ менән генә болғайҙар;* яңы табаны беренсе тапҡыр тотонор алдынан майлап ҡыҙҙыралар ҙа, тоҙ менән ышҡыйҙар;* әстерхан сәтләүеген ашар алдынан духовкала бер аҙ ҡыҙҙырып алғанда тағы ла тәмлерәк буласаҡ;* тоҙ һауытына бер нисә дөгө бөртөгө һалғанда, тоҙ дымланмай;* турамаға һалыр алдынан һуғанды эҫе һыу менән бешекләгәндә, әсеһе бөтә, тәме лә күпкә тәмлерәк була. Ә инде онға бутап, бер аҙ шәкәр һипһәң, ҡыҙҙырғанда алтынһыу һары төҫкә инәсәк;* һеркә йәшелсәләрҙең бешеү ваҡытын оҙайта, шуға ла һеркәне, соустарҙы, помидорҙы башҡа йәшелсәләр бешеп сығыр алдынан ғына һалалар;