Һәр ваҡыт булһын ҡояш!

Кисә Санъяп ауыл биләмәһендә Балаларҙы яҡлау көнөнә арналған “Һәр ваҡыт булһын ҡояш” тип исемләнгән ҙур сара ойошторолдо. Ике ауыл – Санъяп һәм Ҡасҡын ауылдарында йәшәүсе балалар өсөн был көн иң иҫтәлекле көндәрҙең береһе булараҡ иҫтәрендә ҡалды. Улар рәхәтләнеп уйнаны, күңел асты, сәмләнеп ярышты һәм, әлбиттә, матур-матур бүләктәр алып ҡыуанды. Сара аҙағында тәмле бәлештәр, тәм-том менән сәйҙәр эсеп, күтәренке күңел менән таралышты.