Их, Чернобыль, йөрәк яраһы һин!..

Бөгөн 26 апрелдә – тарихта мәңгелек эҙ, йөрәктәрҙә тәрән яра ҡалдырған Чернобыль аварияһына 35 йыл тулыу уңайынан район үҙәгендә ҙур саралар үтте.

Тәүҙә Дан аллеяһы паркында Ҡайғылы әсә һәйкәленә сәскәләр һалынды. Артабан Мораҡ башҡорт гимназияһында дауам иткән йөкмәткеле сарала 1986 йылғы ҙур фажиғә, уға бәйле тыуған бәлә-һәләкәт иҫкә алынып, авария эҙемтәләрен бөтөрөүҙә ҡатнашҡан яҡташтарыбыҙға (улар хәҙер 15 кенә!) ҡәҙер-хөрмәт күрһәтелде. Аҙаҡ “Түңәрәк өҫтәл” артында чернобылселәрҙең үҙҙәрен борсоған мәсьәләләр буйынса район хакимиәте, медицина, урындағы инвалидтар йәмғиәте, хәрби комиссариатҡа мөрәжәғәт итеү мөмкинлеге булды.