Эш күләме лә, яуаплылыҡ та ҙур

Бөгөн район мәҙәниәт һарайында һөнәри байрамдары уңайынан урындағы үҙидара органдары хеҙмәткәрҙәре, район һәм ауыл биләмәләре Советтары депутаттары, старосталар, тармаҡ ветерандары ҡатнашлығындағы тантаналы йыйылыш үтте. Тантаналы сарала төп доклад менән район хакимиәте башлығы вазифаһын башҡарыусы Ғайса Янбаев сығыш яһаны, залда ултырыусыларҙы байрам менән тәбрикләне, эштәргә йомғаҡ яһаны, үҙидара үҫешенең көнүҙәк мәсьәләләренә туҡталды. Ғайса Ғилметдин улы эшендә уңыш ҡаҙанған бер төркөм тармаҡ эшсәндәрен “Башҡортостан Республикаһы муниципаль берәмектәре Советы”ассоциацияһының һәм район хакимиәтенең Почет грамоталары һәм Рәхмәт хаттары менән бүләкләне.Район мәҙәниәт һарайы артистары, урындағы таланттар муниципаль хеҙмәткәрҙәр өсөн йырлы-моңло күстәнәс әҙерләгәйне, сығыштар күңелдәргә хуш килде, алҡыштарға күмелде.