Ҡайҙа үлем һатҡандарын хәбәр ит!

Башҡортостан буйынса Эске эштәр министрлығы республика халҡын Бөтә Рәсәй акцияһына әүҙем ҡатнашырға саҡыра.

Мәғлүм булыуынса, 15 марттан 26 мартҡа тиклем Рәсәйҙә наркотиктарҙың законһыҙ әйләнешенә ҡаршы тороу һәм уларҙы медицина тәғәйенләнеүе буйынса ҡулланыуҙы иҫкәртеүҙә йәмәғәтселекте йәлеп итеү маҡсатында ойошторола.

Тәртип һаҡлау органдары граждандарҙың ситтә ҡалмауын һәм наркоенәйәтселәргә ҡаршы көрәштә өлөш индереүҙәрен һорай. Наркотик матдәләрҙе әҙерләү, ҡулланыу, һаҡлау һәм һатыу осраҡтары, притондарҙың урыны тураһында мәғлүмәтте Башҡортостан буйынса Эске эштәр министрлығының рәсми сайтында (www.02.мвд.рф) “Наркотиктарға юҡ” ҡушымтаһында, шулай уҡ Рәсәй Эске эштәр министрлығының ҡала һәм райондар буйынса бүлексәләренең дежур часы телефонына хәбәр итергә мөмкин. Полиция хеҙмәткәрҙәре граждандарҙан килгән барлыҡ мөһим мәғлүмәтте тиҙ-арала тикшерәсәк.

Акция барырышында республика халҡы наркотиктарҙы һатыу һәм ҡулланыу урындары тураһында хәбәр итеп кенә ҡалмайынса, шулай уҡ махсус телефон бәйләнеше аша (бушлай) дежурлыҡ алып барған белгестәргә һорау ҙа бирә ала.