Беҙҙекеләр һынатмай!

Февраль аҙағында Ғафури районы Красноусольск ҡасабаһының "Еҙем" физкультура-һауыҡтырыу комплексында Башҡортостандың айырыуса һаҡланған тәбиғәт биләмәләре хеҙмәткәрҙәре араһында "Хеҙмәткә һәм оборонаға әҙер" фестивале үтте. Унда беҙҙең райондан "Мораҙым тарлауығы" тәбиғәт паркы хеҙмәткәрҙәре лә ҡатнашты. Биш команда араһында райондаштарыбыҙ өсөнсө урынға лайыҡ булған.Сәләмәтлек һәм оҙон ғүмерлелек йылына арналған сарала әүҙем ҡатнашып, призлы урын яулаған "Мораҙым тарлауығы" тәбиғәт паркы хеҙмәткәрҙәренә уңыштар теләйбеҙ!