Башҡортостандың көньяҡ-көнсығышында транспорт хәрәкәтен сикләү ваҡыты оҙайтылды.

Әбйәлил һәм Баймаҡ райондарында буран сәбәпле, юлға сыҡмаҫҡа кәңәш ителә. Транспорт һәм юл хужалығы министрлығынан хәбәр итеүҙәренсә, сикләү киске 9-ға тиклем оҙайтыла. Буран арҡаһында Өфө – Ырымбур трассаһында уҙған көн дүрт авария теркәлде. Унда 39 машина бәрелешкән. Юл-транспорт ваҡиғаһында 10 кеше зыян күргән. Авария урынында полиция һәм ҡотҡарыусылар халыҡҡа ярҙам күрһәтте. Әле көньяҡ-көнсығышта буран ҡотора.Ҡатмарлы һауа шарттары сәбәпле, халыҡҡа мөмкин тиклем оҙон юлға сыҡмаҫҡа кәңәш ителә. Юл хаталарҙы кисермәй.