Фатир асҡыстары тапшырылды

Фәнүр Киленбаев, Михаил Ткаченко, Алена Шәрәфетдинова, Венир Теләғолов, Гөлзифа Кинйәбаева өсөн уҙған йома ысын мәғәнәһендә иң бәхетле көндәрҙең береһе булғандыр. Ата-әсә тәрбиәһенән мәхрүм балалар һәм физик мөмкинлектәре сикләнгән граждандар категорияһына ҡараған, үҙ мөйөшөнә сират көткән егет-ҡыҙҙар был көндә район хакимиәте башлығы вазифаһын башҡырыусы Ғайса Янбаевтың ҡулынан фатир асҡыстары алып ҡыуанды.Ата-әсә тәрбиәһенән мәхрүм балаларға, физик мөмкинлектәре сикләнгән граждандарға дәүләт тарафынан ярҙам күрһәтелә. Был юлы районда “Етем һәм ата-әсә ҡарауынан мәхрүм булған балаларҙы социаль яҡлау буйынса өҫтәмә гарантиялар тураһында”ғы һәм “Инвалидтарҙы социаль яҡлау тураһында”ғы федераль программалар нигеҙендә ун кеше йортло булды.