Булдыҡлы, таһыллы, хәстәрлекле заттан улар

Башлыса татар милләтле халыҡ төйәк иткән Багдашкин (халыҡ телендә – Ыуары) ауылы үҙенең төҙөклөгө, ыҡсымлығы менән күңелде арбай. Шулай булмай ни, эшкә сәмле, йәшәүгә дәрт-ялҡынлы рухлы кешеләр, татыу ғаиләләр был төбәккә йәм һәм ғәм өҫтәй. Биш балаға ғүмер бүләк итеп, уларҙы үҙ өлгөләрендә намыҫлы, эшһөйәр итеп үҫтерергә тырышҡан Лилиә менән Фоат Төхвәтуллиндарҙың өлгөлө ғаиләһе – был төбәктең күрке, сағыу биҙәге.