Нефтселәр Бөйөк Ватан һуғышында ҡатнашыусыларҙың хәтерен мәңгеләштерергә ярҙам итте

Черкассы ҡасабаһында Өфө районының өс Бөйөк Ватан һуғышы ветераны, Советтар Союзы Геройҙары – Ф.М.Косолапов һәм П.А.Кулаков, Дан орденының тулы кавалеры М.А.Едренкиндарҙың хәтерен мәңгеләштерҙе. Халыҡ алдағы көндәрҙә ауылда парк булдырырға уйлай, унда урынлашасаҡ Геройҙар аллеяһы төп урынды биләйәсәк. Аллеяны булдырыуҙа тәүге аҙым – фронтовиктарҙың бронза бюсын урынлаштырыу ине. Уларҙы эшләүҙә ярҙам һорап Черкассы ауыл биләмәһе хакимиәте райондың иҡтисади, мәҙәни һәм йәмәғәти тормошона, уның тотороҡло үҫешенә тос өлөш индереүсе “Транснефть-Урал” акционерҙар йәмғиәтенә мөрәжәғәт итте. Предприятие инициативаны хупланы һәм 1 миллион һум тирәһенә хәйриә ярҙамы күрһәтте. Был аҡса бюсты эшләүҙән алып уны тулыһынса монтажлауға етте. Яугирҙар бюсы тулыһынса бронзанан эшләнгән, бетон-кирбес постаменттары гранит менән йөрөтөлгән. Табличкаларҙа геройҙарҙың исемдәре һәм йәшәгән йылдары яҙылған.