Ысын ер кешеһе

3 ноябрҙә Башҡортостан Республикаһы Башлығы Радий Хәбиров агросәнәғәт комплексы һәм аҙыҡ-түлек сәнәғәте хеҙмәткәрҙәренә дәүләт наградаларын тапшырҙы. Төрлө юғары наградаларға лайыҡ булған 38 кеше араһында беҙҙең яҡташыбыҙ - “Тәүәкән” яуаплылығы сикләнгән йәмғиәтенең баш агрономы Азамат Хисмәтуллин да бар. 42 йыл (!) ғүмерен ауыл хужалығы тармағына арнаған Азамат Рәшит улына “Башҡортостан Республикаһының атҡаҙанған ауыл хужалығы хеҙмәткәре” тигән маҡтаулы исем бирелде. Азамат Рәшит улын ихлас ҡотлайбыҙ һәм еңел булмаған эшендә уңыштар теләйбеҙ!