Билдәле тел белгесе, филология фәндәре докторы, профессор Марат Зәйнуллиндың тыуыуына 85 йыл.

Ул башҡорт тел ғилеме фәненә нигеҙ һалыусыларҙың береһе. Марат Вәли улы Зәйнуллин 500-ҙән ашыу ғилми эш авторы. Уның фундаменталь эштәре республикала ғына түгел, унан ситтә лә киң танылыу алды. Академик Зәйнуллиндың ғилми эштәре төрки һәм башҡорт тел ғилеменең көнүҙәк проблемаларын, башҡорт теленең грамматик төҙөлөшөн, башҡорт һәм рус телдәрен сағыштырып өйрәнеүгә арналған. Ғалим башҡорт теленең фәнни грамматикаһын, лингвокультурологияны эшләп сығарыуға тос өлөш индерҙе.