Ауылға йәм бирә йәш ғаиләләр

Бала саҡта кем генә хыялланырға яратмай... Яңы Хвалын утарында йәшәүсе Ильвира Рафиҡованың да матур хыялы була. Туғандары менән уйнағанда гел ҡала кешеһе ролен һайлап, киләсәктә тормошон ҡала менән бәйләргә хыяллана ул. Әммә ямыш үҙенекен итә - ябай ауыл малайы булып уйнарға яратҡан мырҙаһы һәм ағаһы үҙ бәхетен, эшен ситтә табып, әлеге ваҡытта ғаиләләре менән Өфөлә йәшәй, ә Ильвира үҙенең икенсе яртыһын нәҡ ошо төбәктә осратып, ҡауышып, Яңы Хвалында төпләнеп ҡала.- Ошо төбәккә шул тиклем ереккәнбеҙ, бер аҙға ғына ситкә китһәк тә тиҙ генә һағынып ҡайтабыҙ, ҡалала һыуы ла тәмһеҙ кеүек тойола, - ти Ильвира менән Айҙар Рафиҡовтар.