Бөтә яңылыҡтар
ЙӘМҒИӘТ
18 Октябрь 2020, 22:00

Тәүге ҡар ҡасан яуыр?

Быйылғы көҙ үҙенең йылы һәм сыуаҡ тороуы менән һөйөндөрә. Шулай ҙа Башгидрометүҙәк хәбәр итеүенсә,

Быйылғы көҙ үҙенең йылы һәм сыуаҡ тороуы менән һөйөндөрә. Шулай ҙа Башгидрометүҙәк хәбәр итеүенсә, 21-24 октябрҙә көндәр бер аҙ һыуыта - минус 1-3 градус һалҡындар көтөлә, болотло буласаҡ, урыны менән ҡар яуыуы ихтимал. Әммә көндөҙ республикала 0-дән 2 градусҡа тиклем йылытасаҡ һәм тәүге яуған ҡар ҙа тиҙ арала иреп бөтөр, тип күҙаллана.
Ә инде 26 октябрҙән республикала йәнә йылы көндәр ҡайта. Ноябрь баштарына тиклем көндөҙ һәм төндә лә термометр бағанаһы нулдән төшмәйәсәк, көндөҙ 5 градусҡа тиклем йылытасаҡ.
Халыҡ һынамышы буйынса, тәүге ҡар яуғандан һуң 40 көн үткәс, ҡар ятыр тиҙәр. Тимәк, быйыл ҡарҙың яуыуы ноябрҙең һуңғы көндәренә тап киләсәк. Ҡасан ерҙе ап-аҡ ҡар ҡаплар, уныһын ваҡыт күрһәтер, шулай ҙа халыҡ юрауын да иғтибарҙан ситтә ҡалдырмайыҡ. Әлегә йылы һәм ҡоро көҙ айы менән күңелдәребеҙҙе күтәрәйек, уңышлы көндәр һәммәбеҙгә юлдаш булһын!
Фото: tumentoday.ru
Читайте нас в