Һынамыштар

*1 октябрь. Был көндө торналар китмәһә, ноябргә тиклем һыуыҡтар булмаясаҡ.*4 октябрь. Ошо көндөң һауа торошо дүрт аҙна үҙгәрешһеҙ торасаҡ. Төньяҡ-көнсығыштан әсе ел иҫһә, аяҙ булһа, ҡыш һыуыҡ буласаҡ.*8 октябрь. Тәүге ҡар еүеш ергә төшһә, иремәй ҡаласаҡ, ҡоро ергә төшһә – тиҙ иреп бөтәсәк. Әгәр был көндө һауа торошо яҡшы булһа, шулай өс аҙна дауам итәсәк.*14 октябрь. Ҡар төшкәнсе торналар йылы яҡҡа осоп китһә, ҡыш иртә килер. Ел үҙгәреүсән булһа, ҡыш та алмашыныусан булыр.*Көҙөн ҡайын менән имән япраҡтары бер юлы ҡойолмаһа, ҡыш ҡаты киләсәк.*Көҙ аҙағында серекәйҙең күренеүе ҡыштың йылы буласағы тураһында хәбәр итә.*Боҙ ҡытыршы булып туңһа, иген уңыр.*Ай башында аяҙ булһа, ай буйы аяҙ булыр.*Йондоҙҙар яҡты янһа, көндәр һәйбәткә тартасаҡ, тоноҡ булһа – ямғырға, йәки ҡарға.*Октябрь япмаһа, декабрь япмаҫ.*Ҡуян һәм аҫ тулыһынса ағармай тороп, сана юлы төшмәй.*Ҡыр ҡаҙҙары иртә китһә, ҡыш иртә килер.*Урманда миләш күп булһа, көҙ ямғырлы булыр.*Көҙ көнө сысҡан күп булһа, ҡыш йылы килә.