Байрам менән!

Хөрмәле оло быуын вәкилдәре, ветерандар, пенсионерҙар! Һеҙҙе Халыҡ-ара ололар көнө менән ҡотлайбыҙ!Октярбҙең тәүге көнөндә матур байрам – Ололар көнө билдәләнә. Был көндә беҙ үҙебеҙҙең атай-әсәйҙәрҙе, өләсәй-олатайҙарҙы, инәй-бабайҙарҙы, ғөмүмән, күңелебеҙгә яҡын кешеләр – өлкән быуын вәкилдәрен тәбрикләйбеҙ. Көндәрегеҙ ҡояшлы һәм уңышлы булһын, күңелдәрегеҙ һәр саҡ тыныс булһын, ә йөрәгегеҙҙән йәшлек дәрте, йәшәү дәрте китмәһен. Байрам менән һеҙҙе, өлкән быуын вәкилдәре!