Воскресенск мәктәбе уҡыусылары ҡарағай ултыртты

Эльвира АЛЛАБИРҘИНА, тәрбиә эштәре буйынса директор урынбаҫары:- Уҡыусылар "Йәшел Башҡортостан" акцияһы сиктәрендә ойошторолған экологик өмәлә ҙур теләк менән ҡатнашты. Көн дә матур, сыуаҡ торғас, кәйефтәр ҙә күтәренке булды. Уҡыусылар үҙҙәре ултыртҡан ҡарағайҙарҙы ҡарап, тәрбиәләргә, үҫкәнен күҙәтеп барырға һөйләште. Йылдар үткәс, ниндәй мөһәбәт ағас булып киткәнен күреп, “Ана, беҙ ултыртҡан ҡарағайҙар” тип һоҡланырлыҡ булһын, Алла бирһә!