Бөтә яңылыҡтар
ЙӘМҒИӘТ
22 Сентябрь 2020, 13:00

«Транснефть – Урал» йәмғиәте «Бөтә донъя Таҙалыҡ көнө» акцияһында ҡатнашты

«Транснефть – Урал» йәмғиәте идараһы аппараты һәм филиалдары хеҙмәткәрҙәре Башҡортостан Республикаһында, Ҡурған һәм Силәбе өлкәләрендә «Бөтә донъя Таҙалыҡ көнө # 2020» акцияһында ҡатнашты. «Эшләрбеҙ!» Бөтә донъя Таҙалыҡ көнө – ирекмәнлек акцияһы, уның маҡсаты: илде сүп-сарҙан таҙартыу һәм таҙалыҡты һаҡлау өсөн йәмғиәтте, дәүләтте, киң мәғлүмәт сараларын һәм эшҡыуарлыҡты берләштереү. Йыйыштырыу эштәрендә баҫым тәбиғәт биләмәләренә - урман, аҡлан, һыу ятҡылыҡтары ярҙарына эшләнә; сүп-сар йыйғанда - был мөмкин булған урындарҙа ҡалдыҡтарҙы айырым йыйыу ойошторола.

«Транснефть – Урал» йәмғиәте идараһы аппараты һәм филиалдары хеҙмәткәрҙәре Башҡортостан Республикаһында, Ҡурған һәм Силәбе өлкәләрендә «Бөтә донъя Таҙалыҡ көнө # 2020» акцияһында ҡатнашты.
«Эшләрбеҙ!» Бөтә донъя Таҙалыҡ көнө – ирекмәнлек акцияһы, уның маҡсаты: илде сүп-сарҙан таҙартыу һәм таҙалыҡты һаҡлау өсөн йәмғиәтте, дәүләтте, киң мәғлүмәт сараларын һәм эшҡыуарлыҡты берләштереү. Йыйыштырыу эштәрендә баҫым тәбиғәт биләмәләренә - урман, аҡлан, һыу ятҡылыҡтары ярҙарына эшләнә; сүп-сар йыйғанда - был мөмкин булған урындарҙа ҡалдыҡтарҙы айырым йыйыу ойошторола.
Арлан нефть үткәргес идараһының 40-тан ашыу хеҙмәткәре филиалдың идара аппараты бинаһы, «Ҡалтасы» һәм «Саҡмағош» линия етештереү-диспетчерлыҡ станциялары, Күтәрәм, Саҡмағош һәм Андреевка тораҡ пункттарында «Андреевка» нефть продукттары сығарыу станциялары янындағы биләмәлә экологик өмәләр үткәрҙе. 200 килограмдан ашыу сүп-сар, ҡоро үлән һәм ботаҡ йыйылды.
Черкасс нефть ҡыуҙырыу идаралығы һәм аварияларҙы иҫкәртеү һәм бөтөрөү буйынса махсуслаштырылған идара (СУПЛАВ) хеҙмәткәрҙәре Өфөнөң Еңеү паркында өмә үткәрҙе: Дежнев баҫҡысын таҙарттылар, парк территорияһында сүп-сар йыйҙылар. Өфө районы администрацияһы һәм хужалыҡ идараһы вәкилдәре Зубово ауылында йәшәүселәр менән бергә Өфө – Шишмә юлы буйында һәм Өфө районының Түбән Новгород ауылы эргәһендәге Дим йылғаһы ярҙарын таҙарттылар. «Оло Теләк» линия сәнәғәт—диспетчер станцияһы хеҙмәткәрҙәре Иглин районының Ауструм ауылы үҙәк майҙанында 30 төп ағас ултыртыуҙа ҡатнаштылар, «Кропачево» линия сәнәғәт—диспетчер станцияһы коллективы ағзалары магистраль нефть үткәргестең һыу аҫты кисеүе районында Сөн йылғаһы буйында сүп-сар йыйҙылар. Таш кисеүе районында Өфө йылғаһы ярҙары сүп-сарҙан таҙарттылды.
Туймазы нефть ҡыуҙырыу идаралығы хеҙмәткәрҙәре етештереү объекттары янындағы территорияларҙы, шулай уҡ филиалдың административ бинаһы эргәһен тәртипкә килтерҙеләр: идара аппараты хеҙмәткәрҙәре Туймазы ҡалаһының Горький урамында сүп-сар йыйыштырҙылар, «Салауат» линия сәнәғәт—диспетчер станцияһы персоналы Ағиҙел йылғаһы ярында 1,5 км оҙонлоҡта урман буйынан ҡый йыйҙылар, ә «Шкапово» нефть ҡыуҙырыу станцияһы хеҙмәткәрҙәре Сухоречка ауылы паркы территорияһын сүп-сарҙан таҙарттылар. «Мораҡ» нефть ҡыуҙырыу станцияһы хеҙмәткәрҙәре ауылдан ҡаты көнкүреш ҡалдыҡтары полигонына тиклем юл буйынан сүп-сар йыйҙылар, технологик транспорт һәм махсус техника цехы һәм етештереү хеҙмәте күрһәтеү базаһы хеҙмәткәрҙәре Собханғол ауылының Төҙөлөш урамында таҙарттылар.
Өмәләргә шулай уҡ Силәбе һәм Ҡурған өлкәләрендә урынлашҡан «Транснефть – Урал» йәмғиәте подразделениеларының тиҫтәләгән хеҙмәткәре лә сыҡты.
Экологик акцияла «Транснефть – Урал» йәмғиәтенең 250-нән ашыу хеҙмәткәре ҡатнашты, сүп-сар йыйыу һәм сығарыу өсөн бер нисә берәмек техника йәлеп ителде. Сарала ҡатнашыусыларҙың барыһы ла шәхси һаҡланыу сараларын ҡулландылар, коронавирус инфекцияһы таралыуына юл ҡуймау өсөн санитар-эпидемиологик талаптар үтәнеләр.
Читайте нас в