2020 йыл тағын ниндәй хәлдәр менән аптыратыр?

Быйылғы йылдың бар донъя өсөн ауыр килгәнен бер кем дә инҡар итмәҫ. Эш уның кәбисә йылы булыуында ғына тормайҙыр, сөнки ундай йылдар өс йыл һайын ҡабатланып тора, әммә шул тиклем кире ваҡиғалар күҙәтелгәне юҡ ине. Күңелдәргә шом һалырлыҡ ваҡиғалар иһә етәрлек: коронавирус, ер йөҙөнөң әле бер, әле икенсе мөйөшөндә һыу баҫыу, янғын сығыу, шартлау, авариялар. Бар тәбиғәт, әйтерһең дә, кешелеккә ҡаршы сыҡҡан... Кисәге хәл дә күптәрҙе аптырашта ҡалдырҙы: август уртаһында Күгәрсен районында боҙборсаҡ яуған – социаль селтәрҙәрҙә таралған видео, фотоһүрәттәрҙән күренеүенсә, боҙ ярайһы уҡ эре булған. Ялсы ауылында йәшәүсе ханым әйтеүенсә, яуым-төшөмдөң төп өлөшө Хоҙайбирҙин ауылы тирәһенә, “осо” Ялсы, Һапаш ауылдары яғына эләккән. https://vk.com/video559989845_456239026