Янғын хәүефһеҙлеген хәстәрләп

Уларҙың хеҙмәте – яуаплы, тынғыһыҙ һәм хәүефле. Ә беҙ көтөп алған йәйҙәр ҡорораҡ, эҫерәк килгән осраҡта, ҡыҙғанысҡа ҡаршы, янғын осраҡтарының да йышайыуы бик ихтимал. Шуға бәйле, был мөһим һөнәр эйәләренең дә эше, бурыстары икеләтә артырға мөмкин. Тик янғын хәүефһеҙлеген хәстәрләүсе, урман-ҡырҙарға, йәиһә кешеләргә хәүеф-хафа, зыян янағанда һәр саҡ ярҙамға ашығырға әҙер тороусы намыҫлы эшсәндәрҙе яҡынлашып килгән көсөргәнешле мәлдәр ҙә, иңдәренә йөкмәтелгән ҙур яуаплылыҡ та ҡурҡытмай.- Эйе, яҙғы, йәйге осорҙа көндәр бөркөү килһә, айырыуса беҙгә уяулыҡ һаҡларға кәрәк. Эшебеҙҙе еңел тип әйтеп булмай. Әммә үҙ хеҙмәтең менән халыҡҡа файҙа килтереү, күңелеңә оҡшаған эшең булыу – үҙе оло бәхет, - ти 84-се янғын һағы часының Йомағужа бүлексәһе командиры Замил Әлимғолов.