+2 °С
Болотло
Бөтә яңылыҡтар
ЙӘМҒИӘТ
19 Апрель 2020, 10:10
19 апрель - умырзая көнө
Умырзая ғүмере булмаһын заяКөн йылытып, ер ҡарҙан әрселеү менән тау-ташлы битләүҙәрҙә яҙҙың тәүге сәскәһе –умырзая үҫеп сыға. Умырзая ғүмере бер миҙгел генә булһа ла, һыуыҡтан ҡурҡмай. Оҙон ҡыштан һуң әле йәшелләнеп тә өлгөрмәгән яландарҙа атҡан тәүге сәскә – яҙ хәбәрсеһе умырзаяның күм-күк балаҫ һымаҡ булып түшәлеп үҫеүенә һоҡланмаған кеше юҡтыр. Беҙҙең ерлектә үҫкән умырзаялар ҙа күп төрлө. Уның һарыһы ла, ағы ла, зәңгәре лә, шәмәхә, ҡыҙғылт төҫтәгеһе лә була. Иң тәүҙә йөнтәҫ кенә япраҡтары күренә, шунан инде сәскәгә тумалай. Ул сәскә атҡас, торналар ҡайта башлай, ысын, йылы яҙ етә тигән һүҙ.
19 апрель - умырзая көнө. 1984 йылда Англияла индерелгән был үҙенсәлекле көн бик күп илдәрҙә билдәләнә. Умырзая төрлө илдә төрлө ваҡытта сәскә ата. Англияла иһә ул апрель айында ҡалҡа (беҙҙә лә ошо осорға тура килә), шунлыҡтан байрамы ла - апрель уртаһында.
Көн йылытып, ер ҡарҙан әрселеү менән тау-ташлы битләүҙәрҙә яҙҙың тәүге сәскәһе –умырзая үҫеп сыға. Умырзая ғүмере бер миҙгел генә булһа ла, һыуыҡтан ҡурҡмай. Уның һарыһы ла, ағы ла, зәңгәре лә, шәмәхә, ҡыҙғылт төҫтәгеһе лә була. Иң тәүҙә йөнтәҫ кенә япраҡтары күренә, шунан инде сәскәгә тумалай. Ул сәскә атҡас, торналар ҡайта башлай, ысын, йылы яҙ етә тигән һүҙ.
Был күк умырзаялар минең тыуған яғымда үҫкәндәре. Ауылға ингән ерҙә зыярат тауы битләүендә үҫә.
Оҙон ҡыштан һуң әле йәшелләнеп тә өлгөрмәгән яландарҙа атҡан тәүге сәскә – яҙ хәбәрсеһе умырзаяның күм-күк балаҫ һымаҡ булып түшәлеп үҫеүенә һоҡланмаған кеше юҡтыр. Ҡайһы берәүҙәр – тәбиғәткә һаҡсыл булмағандар тиергәме, моңһоҙҙар тиергәме ундайҙарҙы – саҡ морон төрткән умырзаяны өҙә лә һала, бындай мөнәсәбәт арҡаһында сәскәнең ҡайһы бер төрҙәре юғалып бөтөп тә бара.
Аҫтағы һүрәттәге сәскәләрҙе беҙҙә аҡ умырзая тип йөрөтәләр. Йылайыр урманында үҫә улар ҙа.
Быныһы - һары умырзая. Ул да Йылайыр яҡтарыныҡы. Адонис. Уның ҡыҙылы ла, ағы ла була. Ҡыҙылы беҙҙең яҡ тәбиғәттә осрамай.
АВТОР ФОТОЛАРЫ.
Читайте нас:
© 2015-2025 Башҡортостан Республикаһы Күгәрсен районы "Мораҙым" ижтимағи-сәйәси гәзитенең рәсми сайты. Ойоштороусылары: Башҡортостан Республикаһының Матбуғат һәм киң мәғлүмәт саралары агентлығы, Башҡортостан Республикаһының "Башҡортостан Республикаһы" нәшриәт йорто дәүләт унитар предприятиеһы.
Элемтә, мәғлүмәт технологиялары һәм киң коммуникациялар өлкәһендә күҙәтеү буйынса федераль хеҙмәттең Башҡортостан Республикаһы буйынса идаралығында теркәлде. 2015 йылдың 12 авгусында бирелгән ПИ ТУ 02-01395-се һанлы теркәү тураһындағы таныҡлыҡ. Директор (баш мөхәррир) Ладыженко А.Ғ., "Мораҙым" гәзите мөхәррире вазифаһын башҡарыусы Р.И.Исҡужина.
Илгә - именлек, йортоңа - ҡот!
Телефон
8 (34789) 2-19-24
Электрон почта
Адресы
Республика Башкортостан, Кугарчинский район, с.Мраково, ул.Ленина, 49
Реклама хеҙмәте
8 (34789) 2-11-85; Электронная почта: [email protected]
Хеҙмәттәшлек
8 (34789) 2-11-85; Электронная почта: [email protected]
Кадрҙар бүлеге
8 (34789) 2-11-77