Бәләкәй принцессалар балы

Бөгөн беҙҙә лә “Бәләкәй принцессалар балы” үтте. Сәләмәтлек буйынса мөмкинлектәре сикле ҡыҙ балалар өсөн яҙғы байрам рәүешендә ойошторолған күңел асыу сараһында кескәй ҡыҙҙар үҙҙәрен ысын принцесса итеп тойғандыр: бында апайҙар уларға матур прическалар яһаны, бөхтә итеп сәстәрен үрҙе, ҙурыраҡ ҡыҙҙарҙың тырнаҡтарын буяны, аквагрим менән биҙәндерҙе, ҡағыҙҙан –матур яҙғы сәскәләр, ептәрҙән, тоҙҙан һүрәт эшләү серҙәрен өйрәтте. Аҙаҡ балалар район мәҙәниәт һарайы артистары әҙерләгән әкиәт тамашаһын ҡарап кинәнде. Сарала ҡатнашҡан ҡыҙҙарҙың барыһына ла таж кейҙерелде, диплом менән иҫтәлекле бүләктәр тапшырылды.