"Күгәрсен һылыуҡайы"

Донъяны матурлыҡ ҡотҡарыр, тигән рус классигы Федор Достоевский. Ысынлап та, кешелек тормошонда матурлыҡҡа һоҡланмаған, гүзәлеккә табынмаған дәүер булмағандыр. Бөгөн дә матурлыҡ үҙенә табындыра, арбай... Халыҡ-ара ҡатын-ҡыҙҙар көнө алдынан район мәҙәниәт һарайында уҙған “Күгәрсен һылыуҡайы” конкурсы ла тап матурлыҡҡа арналды. Баштан уҡ шуны әйтеп үтәйек, бында тәү сиратта конкурсанттарҙың тышҡы матурлығына түгел, ә күңел матурлығына, һәләттәренә иғтибар ителде. Бәйгелә 4 кенә гүзәл зат ҡатнашыуына ҡарамаҫтан, сара шул тиклем матур килеп сыҡты.