+12 °С
Ямғыр
Бөтә яңылыҡтар
ЙӘМҒИӘТ
20 Февраль 2020, 11:05
Йүнсел хужа мал да аҫрай, баҡса ла үҫтерә, балыҡ та үрсетә
Үрге Бикҡужа ауылында бағыр үрсеткән Ләлә апай менән Ғаяз ағай Фәтҡуллиндар тураһында бығаса ла яҙғаныбыҙ булды. Шулай ҙа был юлы ла, Бикҡужаға юл төшкәндә, уларға һуғылмай булдыра алманыҡ. Һуңғы көндәрҙә бурап-бурап яуған ҡарҙар, әлбиттә, быуа яғына юлды япҡан. Хужалар үҙҙәре лә ҡаргиҙәр менән генә йөрөй фермаға. Башкөлләй эшкә сумған хужалар ауылдағы йортона ла һирәк ҡайта, быуа буйына бәләкәй генә өй һалып сыҡҡандар ҙа, үҙҙәрен тулыһынса эшкә бағышлағандар. Фәтҡуллиндар агротуризм йүнәлешен дә яйға һалып бара. Балыҡсылыҡты яратҡан туристар балыҡ ҡармаҡлап ял итһә, балалар йорт ҡоштары менән танышып, уларҙы ашата. Пони аты, күркә, мысыр тауығы (цесарка) ла алғандар. - Ауыл ерендә рәхәтләнеп эшләргә була. Теләк кенә кәрәк, - ти улар бер һүҙҙән.
Үрге Бикҡужа ауылында бағыр үрсеткән Ләлә апай менән Ғаяз ағай Фәтҡуллиндар тураһында бығаса ла яҙғаныбыҙ булды. Шулай ҙа был юлы ла, Бикҡужаға юл төшкәндә, уларға һуғылмай булдыра алманыҡ. Һуңғы көндәрҙә бурап-бурап яуған ҡарҙар, әлбиттә, быуа яғына юлды япҡан. Хужалар үҙҙәре лә ҡаргиҙәр менән генә йөрөй фермаға. Башкөлләй эшкә сумған хужалар ауылдағы йортона ла һирәк ҡайта, быуа буйына бәләкәй генә өй һалып сыҡҡандар ҙа, үҙҙәрен тулыһынса эшкә бағышлағандар. Фәтҡуллиндар агротуризм йүнәлешен дә яйға һалып бара. Балыҡсылыҡты яратҡан туристар балыҡ ҡармаҡлап ял итһә, балалар йорт ҡоштары менән танышып, уларҙы ашата. Пони аты, күркә, мысыр тауығы (цесарка) ла алғандар.
- Ауыл ерендә рәхәтләнеп эшләргә була. Теләк кенә кәрәк, - ти улар бер һүҙҙән.
- Ауыл ерендә рәхәтләнеп эшләргә була. Теләк кенә кәрәк, - ти улар бер һүҙҙән.
Ватанды һаҡлаусылар көнө алдынан Ләлә апайҙың бағыр, ыуылдырыҡ тоҙлау, балыҡ ҡурыу кеүек аш-һыу серҙәре менән дә уртаҡлашабыҙ:
- Балыҡты төрлөсә тоҙлап була. Яңы ғына тотолған балыҡтың тәңкәләрен ҡырып, матур итеп таҙалап, эсендәге шекәрәһен һыҙырып алаһың. Башын, ҡойроғон ҡалдырһаң да була, кем нисек теләй (ҡырҡып алһаң, башынан бынамын тигән балыҡ ашы ла бешерергә мөмкин), - ти уңған хужабикә.
Бағыр балығын тоҙлау
Балыҡты киҫәктәргә бүлеп йә шул килеш тоҙларға була. Бер кило самаһы балыҡҡа (бағыр ҙур ғына була, берәүһе кило ярым- ике кило тирәһе, унан да ҙурыраҡ булыуы ихтимал) 60-70 гр. тоҙ, 10 дана борсаҡлы борос, бер ҡалаҡтай шәкәр ҡомо, 2-3 лавр япрағы алаһың. Тоҙлай торған һауытҡа һәр балыҡты (йә киҫәкте) матур итеп тоҙло ҡатнашма менән ышҡып, тиреһе менән аҫҡа ҡаратып һалаһың да өҫтөнә тағы ла әҙерәк тоҙ, шәкәр һибеп, һыуыҡҡа сығараһың. Май ҡойоп тороу кәрәкмәй, бағыр былай ҙа майлы балыҡ. Ике-өс көндән тоҙло балыҡ әҙер ҙә була. Табынға әҙерәк лимон һуты һибеп бирәләр. Эргәһенә картуф бешереп тә һалһаң, үҙе бер дан һый.
Ыуылдырыҡ тоҙлау
Бының өсөн бер литр (70 градус йылылыҡта) һыуға ике аш ҡалағы тоҙ, бер аш ҡалағы шәкәр һалып, тоҙлоҡ әҙерләйҙәр. Ыуылдырыҡты шекәрәһенән айырмай ғына рәтләп һауытҡа һалып, тоҙлоҡтө ҡойғас, ипләп кенә болғатаһың. Болғатҡан саҡта шекәрәһе ысҡынып, бөртөктәре айырылып сыға. 10-15 минуттай (мөмкин күберәк ваҡыт) тоҙлоҡта тотҡандан һуң, ваҡ һөҙгөслө иләк менән һөҙөп алаһың. Ул ярмаланып ҡына торорға тейеш. Әҙер ыуылдырыҡты быяла банкаларға һалып, һыуыҡҡа ҡуяһың. 3-5 сәғәттән ул ашарға яраҡлы булыр.
Балыҡ ҡурыу
Балыҡты артыҡ ҙур ҙа, артыҡ бәләкәй ҙә итмәй киҫәктәгә бүлеп, тоҙ, ҡара борос һалып ышҡыйһың. Тоҙо иреп, ағып сыҡҡан һыуын һарҡытҡас, самалап он, манный, шөкәрә ҡушылған ҡатнашмала әүәләп, майҙа ҡыҙҙыраһың. Бешеп сыҡҡансы, табаның ҡапҡасын ябып торорға кәрәк, әҙер булыуға бер 5 минуттай ҡалғас, ҡапҡасын алып, утты көсәйтеп ҡыҙартып алһаң, бигерәк тә тәмле була. Ошолай уҡ әҙерләнгән балыҡты самалап ҡына майонез йә ҡаймаҡ һөртөп, мейестә (духовкала) бешереп алырға мөмкин.
Читайте нас:
© 2015-2024 Башҡортостан Республикаһы Күгәрсен районы "Мораҙым" ижтимағи-сәйәси гәзитенең рәсми сайты. Ойоштороусылары: Башҡортостан Республикаһының Матбуғат һәм киң мәғлүмәт саралары агентлығы, Башҡортостан Республикаһының "Башҡортостан Республикаһы" нәшриәт йорто дәүләт унитар предприятиеһы.
Элемтә, мәғлүмәт технологиялары һәм киң коммуникациялар өлкәһендә күҙәтеү буйынса федераль хеҙмәттең Башҡортостан Республикаһы буйынса идаралығында теркәлде. 2015 йылдың 12 авгусында бирелгән ПИ ТУ 02-01395-се һанлы теркәү тураһындағы таныҡлыҡ. Директор (баш мөхәррир) Ладыженко А.Ғ., "Мораҙым" гәзите мөхәррире вазифаһын башҡарыусы Р.И.Исҡужина.
Илгә - именлек, йортоңа - ҡот!
Телефон
8 (34789) 2-19-24
Электрон почта
Адресы
Республика Башкортостан, Кугарчинский район, с.Мраково, ул.Ленина, 49
Реклама хеҙмәте
8 (34789) 2-11-85; Электронная почта: [email protected]
Хеҙмәттәшлек
8 (34789) 2-11-85; Электронная почта: [email protected]
Кадрҙар бүлеге
8 (34789) 2-11-77