Ағиҙелдә - ҡыр өйрәктәре

Хозур тәбиғәт ҡосағында, мул һыулы Ағиҙел йылғаһы буйында урынлашҡан Үрге Бикҡужа ауылында, моғайын да, булғанығыҙ барҙыр, дуҫтар. Бына беҙ ҙә, кисә генә шул яҡтарҙа булып ҡайттыҡ. Тын ғына ағып ятҡан Ағиҙелдә ҡыр өйрәктәрен күреп хайран ҡалдыҡ. Ҡыш йыл булғанғамы, башҡа сәбәп менәнме унлап пар ҡыр өйрәге йылы яҡҡа осмаған. Урындағы халыҡ әйтеүенсә, Ағиҙел сатлама ҡышта ла туңмай, өйрәктәр ҙә йыл да ҡышларға ҡала.Яҙғыһын унда аҡҡоштар ҙа ҡайта икән.