Етмеш сирҙе еңер емеш

Изге Ҡөрьәндә финик бер нисә тапҡыр телгә алына, изге китапта емештең әҙәм балаһы сәләмәтлегенә ыңғай йоғонто яһауы тураһында әйтелә. Пәйғәмбәребеҙ Мөхәммәт, ғәләйһис-сәләм, был емешкә ҙур өҫтөнлөк биргән.*Финик организмдың төрлө сирҙәргә, инфекцияларға ҡаршы тороу көсөн арттыра, күҙәнәктәрҙең яңырыу барышын яҡшырта, арыуҙы, асығыуҙы бөтөрә. *Пәйғәмбәребеҙ финикты йөрәк ауырыуҙарына ҡаршы дарыу булараҡ ҡулланырға кәңәш иткән: емештә калий күп.*Емеш кальцийға бай, тимәк, һөйәктәрҙең нығыныуына булышлыҡ итә. Шулай уҡ күреү һәләтен яҡшырта.