Ғилем алыр өсөн түгел, ғилем бирер өсөн Ҡытайға барған

Ҡытайға барып булһа ла ғилем ал, тигән аң-белемле булыуҙың ҡәҙерен белгән боронғолар. Күгәрсен районының Буҫтыбай ауылы һылыуы Гөлназ иһә Ҡытайға белем артынан түгел, киреһенсә, шул илдең балаларына ғилем биреү өсөн юлланған. Үтә тырыш һәм тәүәккәл башҡорт гүзәлдәренең береһе ул. Шулай булмай һуң, халҡыбыҙ тарихында юйылмаҫ эҙ ҡалдырған Ҡыпсаҡ ҡыҙҙарының ҡаны аға бит унда!

Ҡытайға барып булһа ла ғилем ал, тигән аң-белемле булыуҙың ҡәҙерен белгән боронғолар. Күгәрсен районының Буҫтыбай ауылы һылыуы Гөлназ иһә Ҡытайға белем артынан түгел, киреһенсә, шул илдең балаларына ғилем биреү өсөн юлланған.

Үтә тырыш һәм тәүәккәл башҡорт гүзәлдәренең береһе ул. Шулай булмай һуң, халҡыбыҙ тарихында юйылмаҫ эҙ ҡалдырған Ҡыпсаҡ ҡыҙҙарының ҡаны аға бит унда!

Салауат педагогия колледжын, аҙаҡ ситтән тороп БДУ-ның роман-герман телдәре факультетын тамамлаған ҡыҙҙың сит илгә инглиз телен уҡытырға китеүе осраҡлы түгел. Ул үҙ көсөнә ныҡлы ышана, сөнки студент саҡта уҡ телде төптән өйрәнгән, бының өсөн икенсе курста уҡыған сағында уҡ Һиндостанға ярты йылға стажировкаға барып ҡайтҡан. Унда ул халыҡ-ара ҡунаҡханала администратор булып эшләгән һәм төрлө илдәрҙән килгән ҡунаҡтар менән инглиз телендә генә аралашҡан. Ҡытайға иһә өс йыл элек киткән, унда ул шәхси мәктәптә Ҡытай балаларына инглиз телен өйрәтә.

- Класта 12-шәр бала. Беҙҙекеләрҙән артыҡ айырылмайҙар, шуҡ һәм шаяндар. Коллективыбыҙ башлыса йәштәрҙән тора, уртаса 35 йәшкәсә тиклемгеләр. Бер-беребеҙгә ярҙам итеп йәшәйбеҙ, - ти ул.

Ер аяғы, ер башы ерҙән, әлбиттә, йыш ҡайта алмай Гөлназ. Шулай ҙа көн һайын ата-әсәһе менән ватсап аша һөйләшеп торғас, ул хәтлем ҡыйын түгел, ти.

Әйткәндәй, Ҡытай, Һиндостанды күреү менән генә сикләнмәгән ҡыҙ, оҙайлы ял ваҡыттарында Көньяҡ Корея, Гонконг, Таиланд, Малайзия, Индонезияны ла барып күреп ҡайтҡан.

Уның элек яратҡан шөғөлө бейеү булһа, хәҙер сит телдәрҙе өйрәнеү икән. Әлеге мәлдә, мәҫәлән, ҡытай телен өйрәнә, уның менән бер рәттән испан телен дә өйрәнә башлаған, әммә тәүгеһе ауыр булыу сәбәпле, испан телен бер аҙға ҡалдырып торған.

- Хәҙер йәштәргә мөмкинлектәр шул тиклем ҙур. Бары тик тәүәккәлерәк булырға, ҡурҡып тормаҫҡа кәрәк. Сит телдәрҙе өйрәнеү мотлаҡ, сөнки улар киң донъяға ишек аса, - ти ул.

Читайте нас:

© 2015-2024 Башҡортостан Республикаһы Күгәрсен районы "Мораҙым" ижтимағи-сәйәси гәзитенең рәсми сайты. Ойоштороусылары: Башҡортостан Республикаһының Матбуғат һәм киң мәғлүмәт саралары агентлығы, Башҡортостан Республикаһының "Башҡортостан Республикаһы" нәшриәт йорто дәүләт унитар предприятиеһы.

Элемтә, мәғлүмәт технологиялары һәм киң коммуникациялар өлкәһендә күҙәтеү буйынса федераль хеҙмәттең Башҡортостан Республикаһы буйынса идаралығында теркәлде. 2015 йылдың 12 авгусында бирелгән ПИ ТУ 02-01395-се һанлы теркәү тураһындағы таныҡлыҡ. Директор (баш мөхәррир) Ладыженко А.Ғ., "Мораҙым" гәзите мөхәррире вазифаһын башҡарыусы Р.И.Исҡужина.

Илгә - именлек, йортоңа - ҡот!

Телефон

8 (34789) 2-19-24

Электрон почта

[email protected]

Адресы

Республика Башкортостан, Кугарчинский район, с.Мраково, ул.Ленина, 49

Реклама хеҙмәте

8 (34789) 2-11-85; Электронная почта: [email protected]

Хеҙмәттәшлек

8 (34789) 2-11-85; Электронная почта: [email protected]

Кадрҙар бүлеге

8 (34789) 2-11-77