Ҡыштың да бар үҙ йәме... Үҙ мәшәҡәттәре

Башҡа тарафтарҙа нисектер, ә бына Күгәрсен яҡтарында быйыл ҡар бик күп. Бәғзеләр ҡыш ҡарлы булырға тейеш инде ул, тип һөйөнһә, икенселәр йорт-ҡура тирәләрен, юлдарҙы ҡарҙан таҙарта-таҙарта арманһыҙ булды. Торлаҡ-коммуналь хужалығына ла эштәр етәрлек.
Көндәр аномаль йылы тороу сәбәпле биналарҙың ҡыйығында барлыҡҡа килгән ҙур-ҙур боҙбармаҡтар халыҡ өсөн айырыуса хәүеф тыуҙыра. Шуға ла Мораҡ ауылындағы күп фатирлы йорттарҙы хеҙмәтләндереүсе “Теплосеть” предприятиеһы хеҙмәткәрҙәре ҡыйыҡтарҙағы ҡар һәм боҙ ҡатламын, боҙбармаҡтарҙы таҙартыуға ҙур иғтибар бүлә. Һүрәттә уларҙы эш мәлендә күрәһегеҙ.