“Ватан өсөн йән ҡыҙғанмай, Һинең улдарың, Урал...”

112- се Башҡорт кавалерия дивизияһыгенерал-майор Миңлеғәле Шайморатов етәкселегендә Бөйөк Ватан һуғышында Брянск, Воронеж, Көньяҡ –Көнбайыш фронттарында, Сталинградта барған алыштарҙа еңеү яулай(данлы юлы нәҡ Сталинградта башлана).Дивизия Бөйөк Ватан һуғышында4 мең километр юл үтә, 3860 яугиры орден, миҙалдар менән бүләкләнә, 78 яугир Советтар Союзы Геройы исеменә лайыҡ була. Башҡорт атлыларының тиңһеҙ батырлыҡтары тураһында мәғлүмәттәр туплау, ҡаһарман яугирҙарҙың исемдәрен мәңгеләштереү маҡсатында республикала “Шайморатов вариҫтары” тигән халыҡ проекты эш башланы. Яугирҙар тураһында мәғлүмәт туплау апрелгә ҡәҙәр бара. Бөтә мәғлүмәттәр [email protected] электрон адресына ҡабул ителә. Уның маҡсаты – халыҡ ярҙамы менән яугир исемдәрен тергеҙеү, киләсәкә быуынға еткереү.